မမုန်းမိသော မုန်းစရာများ

တစ်ပတ်လောက်ပျင်းတာနဲ့ ဘာမှမရေးဖြစ်…။ မရေးဖြစ်တာက အကြောင်းမဟုတ်ဘူး…။ တကတဲဗျာ… အခုမှ ကျောင်းပြန်ရောက်သွားတာကျနေတာပဲ… နည်းနည်းလေးမလစ်လိုက်နဲ့ လစ်လိုက်တာနဲ့ ဟော…တက်ဂ်လိုက်ကြပြီ… တက် တတ် တက် တက် တက်တော့အကြွေးတင်တာပေါ့ အကြွေးတင်တော့ဆပ်ရပြီပေါ့ … အဲ… ထားပါတော့လေ…။ နှစ်ခုဆက်တိုက် အတက်ခံလိုက်ရတာ တစ်ခုတော့ပြီးပြီ…။ နောက်တခု…။ ဒါကတော့… ကိုဖားကြီးတက်ထားတာပါခင်ဗျား…။ သင့်ကိုယ်သင်အမုန်းဆုံး ဆယ်ချက်တဲ့ဗျ…။ ဟား… ဒါကတော့ဗျို့ မလွယ်ကြောပဲ…။ ကြီးကြီးကျယ်ကျယ်လောကနဲ့ချီပြောရင်တော့ လူတိုင်းလူတိုင်းဟာ မိမိကိုယ်ကိုအချစ်ဆုံးပဲဗျာ… ဘယ်မုန်းကြပါ့မလဲ… ရေးပြီးသားသူတွေလဲ စဉ်းစားကြည့်ကြဦး… တကယ်မုန်းသလားလို့… ကျွန်တော့်အမြင်ပြောရရင်တော့ ဘယ်သူမှမုန်းကြမယ်မထင်ဘူးဗျာ… ဟုတ်သလေ… ဆယ်ချက်ဆိုတာ နည်းတာမှတ်လို့… သူများကိုဆို တချက်လောက်မုန်းရင်တောင် နုတ်နုတ်စင်းပစ်ချင်နေကြတာ… ကိုယ့်ဟာကို ဆယ်ချက်လောက်သာမုန်းလို့ကတော့ အဲ…အဲ ကိုယ့်ကိုကိုယ်ပဲလေ… ဘယ်နုတ်နုတ်တော့စင်းပါ့မလဲဗျာ… ခန္ဓာငါးပါးဖြစ်ပျက်ရှုပြီး နိဗ္ဗာန်မျက်မှောက်ပြုချင်ပြုသွားမှာပေါ့… ဒါပေမယ့်လဲ ကိုယ့်ဟာကိုယ်နုတ်နုတ်စင်း ပစ်ချင်လောက်အောင် ဖြစ်လာလို့ ဟာရာကိရိ လုပ်သွားတဲ့သူတွေလည်း အောတိုက်ပဲဟာ…။ ကျွန်တော်ကကောခင်မျာ… တရားအားထုတ်ချင်စိတ်ကလေးများ မပေါက်ဖူးလားမေး… ဘယ်… ညနေ ၆နာရီဆိုရင် ပုံမှန်နီးပါးလောက်ရေချိန်ကိုက်နေပြီ… ဟဲဟဲ… ဟာရာကရိလုပ်မလားမေး… ကြံကြီးစီရာဗျာ… သေလို့နတ်ပြည်ရောက်ပါ့မယ် အာမခံရင်တောင် မသေခင်နာမှာကြောက်တာနဲ့ လုပ်ဖြစ်မှာမဟုတ်ဘူး…။ တကယ်ပါဗျာ ကျွန်တော့်မှာ မွေးကတည်းက ကိုယ့်ဟာကိုယ်မုန်းတာဆိုလို့ အမေမွေးပေးတဲ့ ဂေါ်မစွံရုပ်သေမျက်ခွက်ကြီးပဲရှိတယ်…။ ကျန်တာဘာမှ မမုန်းမိပေါင်…။ သို့သော်လဲပေါ့လေ…။ သောက်ကျင့်မကောင်းတဲ့ အချက်ကလေးတွေတော့ရှိတယ်ပေါ့…။ အဲဒါတွေကိုလဲ… မမုန်းပေါင်ဗျာ…။ ချစ်လည်းချစ်တယ်ပြောလို့မရပါဘူး…။ အဆင်သင့်သလိုပေါ့…။ ကြုံလိုက်ရတဲ့ ကိစ္စတစ်ခုခုနဲ့အဆင်ပြေရင် ချစ်လိုက်၊ ကိုးလို့ကန့်လန့် ချော်တောငေါ့သွားရင် မုန်းလိုက်ပေါ့…။
1. မနက်ခင်းဆိုလဲ လာမနှိုးနဲ့ အိပ်ရာထဖို့ပျင်း၊ ပျင်းလွန်းလို့ မင်းနဲ့အပျင်းပြေရည်းစားထားဖို့ပျင်း…. အဲဒီအတိုင်းပါပဲ… အောင်မယ် ပျင်းတယ်ဆိုတာ နာမည်သာဆိုးတာ လူသက်သာတယ်ဗျ။ ပျင်းကြည့်ကြပါလား ဟီဟိ…။
2. ကျွန်တော့်စိတ်ဟာ အစွန်းနှစ်ဖက်မှာအမြဲရှိနေတယ်… ကောင်းတာကိုလုပ်နေချိန်မှာ အဆိုးတစ်ခုက အမြဲတမ်းတိုက်ခိုက်နေတယ်… ဆိုးနေတဲ့အချိန်မှာ အကောင်းက အမြဲသတိပေးနေတယ်… ဥပမာ ပရဟိတလုပ်ငန်းတစ်ခုလုပ်နေချိန်မှာ တစ်ကိုယ်ကောင်း စိတ်ကဖြတ်ကနဲပေါ်လာပြီး ကိုယ့်အတွက်တစ်ခုတော့ ရအောင်လုပ်လိုက်တယ်… ကိုယ်လွတ်ရာလွတ်ကြောင်းရှာတတ်တယ်။ မူးရူးသောင်းကျန်းနေချိန်မှာ မလွန်ကဲဖို့သတိထားနေလေ့ရှိတယ်… ဒါကြောင့်နှစ်ခါလားပဲ ဆိုးဆိုးရွားရွားခံလိုက်ရဖူးတယ်… ဘယ်နိ့မို့ဆို အခုဒီလိုရေးနေနိုင်မှာတောင်မဟုတ်ဘူး… တစ်ခုခုတော့လစ်ပြီးသားပဲ….။
3. ဒေါသဖြစ်ဖို့ခဲယဉ်းတယ်… ဖြစ်ရင်လဲ တော်တော်နဲ့မပျောက်တော့ဘူး…။
4. Revenge is Sweet မကောင်းမှန်းတော့သိပါတယ် ဒါပေမယ့် …။
5. စကားမပြောတတ်ပါ… အာာ ဟေ့… ဟို အ နေတာမဟုတ်ဘူးဗျ… လူတွေနဲ့စကားမပြောတတ်တာ… စကားပြောရမှာ အရမ်းဝန်လေးတာပဲ… စကားထစ်တာကြောင့်လဲပါမယ်ထင်တယ်…။
6. အဆင့်အတန်းခွဲခြားတတ်တယ်ဗျာ… ဒါပေမယ့် ကျွန်တော့်အဆင့်အတန်းခွဲပုံကတမျိုးဗျ… လူတိုင်း ဆင်းရဲချမ်းသာမရွေးပေါင်းတယ် သို့သော်…အင်း ဥပမာဗျာ… ဆိုက်ကားသမားတစ်ယောက်ဟာ အင်္ဂလိပ်စာမတတ်လဲအရေးမကြီးဘူး… နေ့စဉ်သုံးကွန်ပြူတာမတတ်ဘူး… ဖြစ်တယ်… ဒါပေမယ့် အင်ဂျင်နီယာတစ်ယောက်ဟာ အလယ်တန်းအဆင့်အင်္ဂလိပ်စာလောက်မှမသိဘူး ကွန်ပြူတာ ကကြီးခခွေးကိုတောင် လက်ပေါက်ကပ်အာပေါက်အောင်သင်နေရတယ်ဆိုရင် အဲဒီငနဲကို အဖက်လုပ်ပြီးတောင် စကားမပြောချင်ဘူးဗျို့ ကောင်းလားဆိုးလားတော့ မသိပါဘူးဗျာ…။
7. ပိုက်ဆံသိပ်လိုချင်တယ်ဗျာ… ဆင်းရဲတာကိုမကြိုက်ဘူး… သူများတွေ ဆင်းရဲတာလဲမကြိုက်ဘူး…။ ဒါပေမယ့် ပိုက်ဆံက ဘယ်တော့မှမကပ်ဘူး… အသုံးများ အပေးများတာတွေပေါ့…။
8. လွတ်လွတ်လပ်လပ်နေချင်တယ်၊ အရွဲ့တိုက်တယ်…။ဟိုဟာမလုပ်နဲ့ ဒီဟာမလုပ်နဲ့ လာပြောရင် အဲဒါကို တမင်လုပ်တယ်
9. မကြိုက်တဲ့အရာတွေဆို သည်းမခံတတ်ဘူးဗျို့…။ မကြိုက်တဲ့ ဟင်းများဆိုလို့ကတော့ သည်းခံပြီးစားမယ်မရှိဘူး… အငတ်ခံချင်ခံလိုက်တယ်…။
10. လူတွေကို မုန်းတတ်တယ်… ဒါပါပဲ…။
အင်း… ဒါပါပဲ… ဒါပါပဲ…။
(ကဲ ပြီးပါပြီ ကိုဖားကြီးနဲ့ ဖတ်တဲ့သူအပေါင်းတို့…)